指栢芝未夠資格 嘉玲做阿姐實至名歸
劉嘉玲與張栢芝近日拍賀歲片屢傳不和，身為後輩的栢芝日前亦十分識做，以一句「嘉玲姐」以示尊重平息風波。昨日嘉玲現身派對時就來一個下馬威，坦言對栢芝一句「阿姐」，論輩分自認做「阿姐」理所當然，但就拒絕反叫栢芝做阿姐，似乎栢芝暫時無能做「阿姐」！
「連卡佛」為慶祝160年誌慶，前晚於ifc舉行一個名為「Fashion：Play慶祝儀式及派對」，城中名人及紅星包括劉嘉玲、余文樂、謝婷婷、吳彥祖、黃偉文等紛紛出席支持，劉嘉玲更以一襲Tube dress艷壓全場，對於栢芝早前叫她阿姐一事，嘉玲坦言覺得應該：「應該嘅！我夠年紀！佢平時都係咁稱呼我！」至於會否叫栢芝做阿妹？她說：「呢個圈好少叫人做阿妹，通常叫人做阿姐！」至於會否叫對方做阿姐？她說：「咁又唔會！佢年紀咁細！」
開工四日滿意片酬
至於她拍《最強囍事》每日獲一百二十五萬元片酬的傳言，她說：「唔講得！可能係又可能唔係，係都唔出奇。」對於自己有最高片酬又與栢芝比較薪酬一事，她說：「人哋講o架！冇呢啲事大家就冇嘢寫。」不過她暗示自己對片酬滿意，坦言今次拍片只開四日工，更大讚黃百鳴對自己不俗。
此外，對於好友連勝文近日被指中槍是自編自導自演，她相信對方不會如此傷害身體：「政治嘅嘢我唔評論太多，祝佢大難不死，必有後福！佢唔會做開槍傷害身體嘅事！」
余文樂恨結婚生仔
同場的余文樂表示近年眼見朋友結婚生仔，今年已廿九歲的他希望三十幾歲成家立室：「我驚自己年紀大唔得！（身體機能唔得？）啋！我不知幾得！」有指他未有女友無用武之地，他說：「咁儲靚啲，到時一炮過！」問到他會否擔心自己儲到發霉，他說：「儲得耐唔用我都怕佢走晒！」
而黃偉文則透露聖誕節會代陳奕迅照顧一家大細到日本旅行：「Eason去登台，到時我就坐正，不過帶住班婦孺，到時唔知去得邊！」
文：名人組