MC Jin自組公司展拳腳

MC Jin跟環球唱片公司剛約滿，曾擔心沒有大公司「照料」下而影響工作量，故令他萌起自設經理人公司之念，他興奮地說：「出年我會同美國嘅經理人喺香港開一間經理人公司，公司名已經諗定叫CATCH，遲吓會公布。」

MC Jin除了一嘗當老闆滋味，未來更會簽一名男新人，他說：「個男仔英文叫名Kelvin Tong，簡稱KT，今年20幾歲，呢兩年佢成日跟住我一齊表演一齊Rap，舞台經驗好豐富，我可以好肯定佢係一個好有才華嘅歌手，佢係因為我先至接觸Rap，我好有信心大家會鍾意佢！」

女友圈外人

MC Jin來年大計多多，除了事業，他亦計劃跟拍拖多年的圈外女友組織家庭，MC Jin說：「我同女友識咗好耐，但拍拖都係呢幾年嘅事，希望30歲可以結成婚，但佢係圈外人，我要尊重佢，只可以透露咁多！」

另外，MC Jin稍後會推出一張英文碟及廣東碟，他透露早於08-09年間已寫好一首名為《回鄉靖》的廣東歌，明年便會正式派台。

採訪：音樂組

攝影：林楠

場地：Jimmy's Kitchen