G.E.M.人仔細細瓣瓣想撈
鄧紫棋（G.E.M.）為動畫主唱廣東話主題曲兼填詞，為了令自己投入填詞，她看完動畫才動筆，直指歌詞就是女主角的內心獨白。年紀輕輕的她還有意殺入配音界，希望周身刀張張利。
G.E.M.是次為宮崎駿動畫《借東西的小矮人 亞莉亞蒂》主題曲填詞，涉足唱歌以外範疇，原來她更想嘗試配音工作：「我想知G.E.M.嘅聲音到底可以係點，要令觀眾聽到阿G.E.M.把聲但唔係諗起G.E.M.，而係諗起故事入面嘅角色，真係好神奇嘅一件事。」她又透露有興趣發展音樂以外的表演，但首要條件是先做好音樂。她謂：「我點都會以音樂行先，雖然對拍戲、主持等都有興趣，但呢啲都需要時間培養。」
喜歡純真感情
為了令自己投入填詞，G.E.M.先看動畫才動筆，她指主題曲歌詞就是女主角的內心獨白：「主角之間個感覺好warm，佢哋嘅感情純真得嚟又有啲浪漫，填詞時我真係當咗自己係女主角架！」
提到動畫於聖誕檔期上映，G.E.M.自爆難忘卻不浪漫的聖誕奇遇：「我本來好期待第一次拍拖過聖誕，但初戀男朋友話平安夜同埋聖誕節只可以揀一日陪我過，我聽完之後真係晴天霹靂！」對聖誕有無限憧憬的G.E.M.最希望過一個白色聖誕：「我個幻想入面有好多劇情架！不過我都想過玩水上活動嘅聖誕節。」
「節日怪」扁嘴
除了聖誕節，G.E.M.亦喜歡中秋、新年、復活節等，其中最愛的就是中國的元宵佳節，名副其實是一個「節日怪」。但G.E.M.亦扁嘴說：「依家出咗嚟做嘢之後，想節日去旅行、想去玩簡直係妄想！」
文：影視組
攝：黃叔榮