周家蔚不求浪漫鍾情港男
周家蔚（Janet）早前推出有關巴黎的旅遊書銷量不俗，她希望可改良推出新一版，令書本風格更有型。提到巴黎之行，除了名勝及博物館令人沉醉之外，熱情的男士亦令她留下印象：「佢哋會不斷撩你講嘢，未必係想追你，都幾搞笑。（揀法國男做男友？）哈！我都識得法國嘅代表黃長興，我當佢係哥哥咁咋！其實我鍾意香港男仔多啲，浪漫唔係咁啱我。」
問到是否喜歡搞笑類型如男友洪天明？她即笑說：「唔一定嘅，最緊要大家夾，鍾意對方。」認真Sweet爆。
熱愛旅遊的Janet下一個目標是新西蘭，希望玩跳降傘及空中滑翔，享受一次動感之旅。