杜麗莎爆王祖藍恨結婚

杜麗莎昨日為聖誕慈善演唱會舉行記招,她表示希望為「香港兒童音樂基金會」籌得十萬元以上,幫助有音樂天賦但家庭有困難的小朋友。拋低老公與愛女隻身回港的杜麗莎說:「今次係我哋婚姻中分開得最長時間嘅一次,走嘅時候唔捨得到喊,老公仲整咗隻16磅嘅火雞,預先慶祝聖誕,真係好sweet。(準備聖誕禮物畀對方?)佢好鍾意整嘢食,諗住送一個法國嘅課程畀佢!」

杜麗莎表示希望邀請王祖藍、谷祖琳等到場欣賞個唱,她更大爆最近公開戀情的祖藍恨結婚,她說:「佢梗係開心啦,(一早知佢哋拍拖?)我唔知個女仔咩樣,淨係知祖藍好愛個女仔,仲話想快啲結婚!」