周秀娜冇偷食經驗
周秀娜、羅仲謙及導演葉念琛昨日到浸會大學出席座談會，為新片《婚前試愛》造勢，娜姐的胸前事業線若隱若現，易於令人分心。她被學生問到拍攝情慾戲有冇生理反應？娜姐笑言：「梗係冇。（問題好過分？）都冇咩嘅，佢哋好奇啫！（套戲講偷食，有冇叫你分享經驗？）我都冇呢啲經驗，女仔呢方面係少啲o架！」謙仔亦說冇偷食經驗：「我啲朋友都知我份人好傳統，邊個講親實畀我鬧。」
影片聖誕上映，他倆與葉念琛對影片都信心十足，葉念琛說：「要預測票房就好難講，不過人哋冇嘅我哋套戲都有，冇3D但係都好立體（指娜姐身材）。」
此外，周秀娜在2010年度「Yahoo!搜尋人氣榜」，「最具搜尋人氣娛樂焦點人物」中由去年的第一位下滑至今年的第五位，被網友戲稱為「豬扒港姐」的港姐冠軍陳庭欣反而位列第三，不過娜姐在「最高相片搜尋量人物」中稱霸，與Angelababy同膺「上榜停留時間最長的焦點人物」。至於捲入涉貪案的無綫總經理陳志雲，則成為「十大最高搜尋人氣新聞焦點人物」第三位。