陳法拉200萬鑽飾閃爆鬥小紅

「最佳女配角」大熱之一的陳法拉，坦言已準備數款不同的鑽飾亮相台慶頒獎禮，而當晚服裝不會太性感，主要以高貴大方為主。昨日她與林保怡出席澳門舉行的英皇鐘錶珠寶「Emperor's Treasures瑰麗典藏」活動，法拉佩戴上二百萬元的鑽飾亮相，明艷照人。她透露舉行日子逼近心情愈是緊張，她說：「原本唔緊張o架，依家開始感受到個氣氛嘞！」對於有指鄧萃雯續約換獎傳聞，她表示不太清楚。

年尾播有優勢

而另一位入選「最佳女配角」的七料影后惠英紅，被問到有幾多勝算時仍謙稱：「有五強咪五分一勝算囉，（係你同法拉之爭呀，）咁咪二又二分一囉，真係好難講，梗有信心嘅！」小紅亦視法拉是她的最大對手，而且《巾幗梟雄之義海豪情》是重頭劇兼剛播完，比她年頭播出的《鐵馬尋橋》有優勢，小紅又大讚法拉很用心演戲，且有觀察力。問到以影后身分去爭獎，會否感到尷尬，小紅笑言：「唔好話爭，唔係我要玩，係人哋覺得我好，雖然係前輩，但我做得好都應該得到認同，有獎我開心，冇亦唔失望，每個演員都唔一樣，評審又唔一樣，所以就算輸都唔會尷尬。」

提名多機會大

被小紅大讚的法拉，今年是大躍進一年，她憑《公主嫁到》、《義海豪情》及《蒲松齡》三個劇獲三項提名，其中以「最佳女配角」最有機會得獎，但法拉另有睇法：「我有三個提名亦覺得三項都可能會得獎，但唔會畀晒三個獎我，我自己三個角色都好鍾意亦好努力做，所以要睇吓觀眾點揀，（唔驚分薄？）我就覺得提名愈多，機會愈大。」法拉亦讚「影后」小紅姐好勁，能與她爭獎，即使輸了都心甘命抵。