鄭少秋撐陳豪夠全面
鄭少秋最近與陳豪合作拍攝新劇《心戰》，講到今年「視帝」陳豪與黎耀祥之爭，他表示：「兩個都好好戲，但依家同陳豪拍緊戲，對唔住喇，一定要撐陳豪。其實我一直都有留意陳豪，佢由電影轉拍劇，做得全面，忠奸、搞笑、時裝、古裝、喜劇都得，仲有係靚仔，有我嘅潛質。」
有指黎耀祥在《義海》的演出有如萬梓良，經常青筋暴現，秋官說：「我都有留意佢喺《義海》係有啲萬梓良Feel，可能係個角色需要咁演繹。祥仔以前做豬八戒都好有喜劇效果，佢好戲就係人都知。」
鄭少秋之前拍攝劇集《心戰》時從四米高的搭景跌下受傷，弄傷頸部及肩膊，休息一天後，昨日便返電視廣播城拍攝，秋官坦言笑時還有一點點痛，他謂：「跌完嗰下左邊肩膊完全冇晒知覺，從未試過咁，真係好驚，好在冇嘔，如果唔係就大件事，自己第一次上十字車，大吉利是。」