林峯愛悲情揀祥仔
先有無綫老闆娘方逸華題字鼓勵，再有「視帝」大熱祥仔睇好的林峯，前途可謂無可限量，其實林峯亦很滿意自己今年於歌、影、視的成績，惟頒獎禮當晚他正忙於內地拍電影，不能參與盛會坦言感到可惜，阿峯希望影迷體諒。
問到爭奪視帝可有信心？林峯表示：「信心一定要話有，其實之前一直都冇諗過視帝呢個獎，後來《談情說案》播出後好多人講，我先開始意識到獎項，搞到我個心有啲囉囉攣，不過頒獎禮嗰日我仲喺內地拍電影，未必出席到，可能冇咁完美，（對手強？）其實陳豪、黎耀祥兩個我都鍾意，但自己就鍾意悲情戲多啲，所以我會揀祥仔嘅《義海》，我都希望將來可以同祥仔合作。」
