楊千嬅過大禮開工睇片補數
楊千嬅和丁子高將於20日擺喜宴，千嬅獲贊助逾千盒嫁女餅，她請了林海峰設計icon，以圓圈圍住兩人英文名「ｒｍ」（Real、Miriam）。昨日千嬅在記者會透露剛於上月25日過大禮：「嗰日我要開工，丁生拍咗片畀我睇，佢跟足傳統搵埋大妗姐嚟送禮，有鮑魚、海味、龍鳳被、椰子，爸爸媽媽笑到見牙唔見眼。」
對於有雜誌指她半億娶丁子高，千嬅笑說：「冇，懷疑雜誌有人暗戀我，唔鍾意我出嫁，成日話我哋係乞丐與怨婦，呢個古仔可以拍戲，《志明與春嬌》唔使開續集。」她在微博表示要鍛煉ＥＱ，獲老公安慰，千嬅冧爆說：「我發覺我冇嫁錯人。」她並澄清婚宴有請黎明，否認兩人不和。
而丁子高出席香水活動，澄清兩人經濟獨立：「架車係太太，唔係我名，其實我揸老婆車或佢揸我車好正常，千嬅投資亦唔關我事，暫時未有聯名物業。」