陳偉霆蒲老蘭唔敢溝女
陳偉霆（William）前晚出席活動，他透露將投入新片工作：「齣戲係講蘭桂坊，我以前都鍾意去『老蘭』跳舞，但近年有狗仔隊出現，我少去咗，將精神放喺電影方面。」問William在夜店可有艷遇？他就話每次都保持「清醒」，意思是有女友時，他會守規矩，絕不亂結識異性，但單身時，也會留機會給自己結識新朋友。
William指女友蔡卓妍（阿Sa）忙在內地拍戲，但怕出現「口供」不夾，故不敢講阿Sa何時返港。他又扯開話題說前晚參觀過Mr.的新band房，大讚裝修好看。問他可會自設跳舞室？William自豪謂其跳舞老師已送了免費排舞室給他任跳。