Kay徐濠縈密斟無謂嘢
謝安琪（Kay）早前和陳奕迅（Eason）鬧出婚外緋聞，有傳令Eason和徐濠縈（阿徐）的婚姻亮紅燈，不過兩女再度同場見面時，卻表現老友，更首度公開密斟，事後又異口同聲謂緋聞事不要再提。
前晚Kay、阿徐、陳偉霆、王菀之、周柏豪及Anjaylia、Evelyn等齊出席頒獎禮活動，再度碰頭的Kay、阿徐先後到場及分開坐，但上台時，兩女大方平排而立，更交頭接耳密密傾，以行動粉碎不和傳聞。穿白色連身裙、佩戴其Liger潮店的Holly Fulton頸鏈的阿徐因抱病在身，聲音沙啞，故未有受訪就離開。
自稱受害者
Kay被問到和阿徐同場時，初頭有點抗拒：「（之前）都有啦，又問呢啲嘢呀？」她補充說曾在活動及後台見過阿徐，只是一直沒有機會交談，剛才阿徐告訴她患上感冒致失聲，着她也要小心身體。
問Kay緋聞可有令兩人生隔膜？她強調：「梗係冇啦。」在旁的經理人插嘴話沒有緋聞此事，她又指和阿徐感同身受，故特別有親切感：「大家都明白係新聞炒作，我哋好無奈被寫，都係受害者，佢（阿徐）好堅強，仲鼓勵我同Louis（老公張繼聰），佢話唔係真，（緋聞）好快就過去。」
擔心會亂寫
和Kay口徑一致的阿徐昨日接受電話訪問時，她叫苦說：「哎吔，唔好問呢啲啦，（冇因緋聞而有芥蒂？）哎吔，仲提就唔講啦，咁耐之前，仲要問？」阿徐表示雖然和Kay稱不上老友，但都是相識的朋友。問和Kay談甚麼？她以「無謂嘢」來形象：「我同佢（Kay）講，上個禮拜喺活動度，我認唔到佢老公，因為阿聰剪咗頭髮又瘦咗，Kay話因為佢老公食齋。」阿徐在臨收線時叮囑說：「唔好亂寫，冇嘢呀，唔好寫到有嘢咁。」
另外，昨日Kay以香港傑青身份出席「綠色救地球」活動，她稱之前曾有電影及廣告商邀她一家三口演出，但她不想工作和家庭生活混淆，未有問價錢已推辭了。
採訪：音樂組