徐子淇滿足現狀唔求生仔
前日是千億新抱徐子淇的生日，之前直認恨生仔的她，昨晚出席籌款晚會時自言知足，不敢奢望上天「賜子」，又自爆獲丈夫送上夢寐以求的藝術品作生日禮物，幸福滿瀉。
昨日四叔李兆基新抱徐子淇偕丈夫李家誠出席智行基金會籌款晚會，她身穿粉藍色Vivian Luk晚裝，配合由英皇珠寶贊助價值二千萬的首飾，閃爆全場。前日是子淇的正日生日，不過她卻發高燒整天臥床，她笑言：「以前細個覺得生日一定要開生日會，人大咗唔會咁諗。今次係第一次一個人過生日，幾好，幾清靜。小朋友有嚟睇我，但我唔敢同佢哋太近，因為怕傳染佢哋。」
老公送藝術品
雖然未有大事慶祝，但子淇收到丈夫及小朋友的窩心禮物，她甜笑說：「佢好有心思，有一樣嘢我搵咗年半都搵唔到，佢搵咗畀我，係一件藝術品。（囡囡送乜？）老公叫醒咗個大女，叫佢起身畫張卡送畀我。」問到生日願望時，充滿善心的子淇稱最想為小朋友籌款，當反問她不是最想生仔嗎？她知足地說：「人哋話善有善報，我覺得唔啱，應該係善有樂報，做善事會感到開心，我唔敢要求個天畀乜我，一家人齊整健康已經好滿足，唔敢要求。」她預計今次可以籌得四百萬港元，幫助八百至一千名小朋友。
基仔舖頭冇蝕
另外，同場的古巨基為晚會獻唱籌款，對於有指其時裝店靠緋聞助手Lorraine而轉虧為盈，他澄清說：「舖頭一直係賺，冇蝕過，做咗快一年，比我想像中好，已經開咗兩間分店。（尖沙咀店轉Lorraine名下？）舖頭唔係分開計，佢係助手好幫公司。」
文：名人組