陳倩揚梁靖琪待嫁劉心悠等緣分到
劉心悠、陳倩揚、梁靖琪等昨日出席公開活動，心悠透露近日不斷被追問何時結婚，她說：「我唔認為單身有任何問題，唔該大家唔好戥我心急，身邊嘅朋友亦唔使介紹男伴畀我，我好信緣分係命中注定。」
待嫁新娘陳倩揚則充當大會司儀，笑指雖然期待出嫁當天的情況，但卻沒有特別準備：「因為未來老公細心又有交帶，所有嘢畀晒佢負責，好放心。（婚後會唔會即刻生仔？）會，身邊朋友22、23歲做媽媽，睇佢哋收身好快，所以都想30歲前生兩個，仔女都冇所謂。」至於與男友感情穩定、準備明年結婚的梁靖琪（Toby），已定好湯盈盈、鄧穎芝、唐詩詠等擔任姊妹團，她強調並不急於嫁，只是Daddy催婚：「佢想抱孫，相士話明年兔年生會旺我哋，不過應該趕唔切，所以隨緣啦。」
