蔡少芬佗B三個月做王后

近日娛樂圈喜事連連，結婚有喜消息不絕於耳。昨日張晉與孫耀威一同出席福音電影《流浪漢世界》慶功宴活動，一直嚷着要小孩子的張晉，被記者追問太太Ada可有好消息，他終於當眾宣布造人成功，至於Ada懷有幾多個月身孕及預產期幾時？他就不肯回答，只說：「你哋問番Ada啦，我都係知咗冇幾耐，依家未知係仔定女，不過男女都冇所謂，最緊要健康！」不過，據一齊拍劇的韓馬利表示，Ada已有咗超過三個月。

選擇留港分娩

張晉表示太太現時仍在大陸拍劇，記者大表詫異，他說：「冇辦法，之前接咗，希望佢健健康康，不過佢依家係重點保護嘅熊貓，有好多人照顧佢，連埋司機有五個，又有專人煮嘢畀佢食。（幾時拍完？）農曆新年前會拍完，到時應該唔會再接job，或者接啲行街嘅job，因為佢有咗BB都會行街。」

王祖藍與蔡少芬曾傳緋聞而成好友。

張晉宣布老婆有喜，蔡少芬明年生個兔ＢＢ。

談起太太有喜，張晉滔滔不絕，記者笑問他可有特別呵護太太？他即笑說：「要忍耐佢啲脾氣，本來脾氣已經唔細。（當佢王后咁看待？）梗係當佢王后啦！」他謂Ada會選在香港分娩，至於現時身體狀況？他續說：「佢有嘔，畀人話佢胃口脹，不過佢都好開心，我覺得生BB好似過關咁，每一個過程都好緊張，先係喜，跟住就係驚，依家佢行路kick一kick我都會好擔心，又唔可以病，要小心身體。」

抓job搵奶粉錢

張晉笑言已命令太太除工作外不可穿高跟鞋，被笑指要搏命工作儲奶粉錢？他即自言一直很努力，更呼籲日後有甚麼工作可隨時找他，認真搞笑！而張晉工作完畢後即在微博更新太太有喜消息，並以「內人」來形容Ada，而Ada就在微博恭喜「他」有喜，隔空打情罵俏！至於Ada經理人就不作回應，只謂一切交由一家之主來處理。

文：名人組