撬吳卓羲牆腳 王喜明嗒鍾嘉欣
王喜、鍾嘉欣等昨為新劇《囧探查過界》到荃灣宣傳，此劇緊接《巾幗梟雄之義海豪情》出街，二人均表示對收視有信心，阿喜說：「都有啲壓力，《義海》養大咗觀眾胃口，不過觀眾可以轉胃口睇喜劇，唔使咁沉重。（有冇要求多啲宣傳？）冇，公司宣傳一向安排好好，亦一視同仁。」
入行十六年的阿喜有個心願，望跟嘉欣成為螢幕情侶，齊齊搵銀，記者笑他不夠林峯、吳卓羲爭，阿喜說：「做唔晒嘅吳卓羲，呢個年底我可以做住先，我哋搵啲外快等嘉欣買樓。」嘉欣亦開心說：「我想呀！成日都傳林峯、吳卓羲，真係好悶，換咗有新鮮感。」