古天樂憂小腿萎縮每日治療
古天樂昨早現身香港迪士尼樂園度假區，以聯合國兒童基金香港委員會大使身份為慈善跑主持起步鳴槍儀式。古仔早前接受十字韌帶手術，昨日見他穿上平底波鞋，受訪時突然感嘆說：「剛才諗番醫生嘅說話，手術前仲好哋哋，但之後愈嚟愈覺得嚴重。每日都要做物理治療，雖然好攰，但唔做運動怕小腿萎縮。健康真係好重要，最快明年三月好番，但亦可能到八至九月先至好。」
最近趕拍賀歲片《最強囍事》，所以更加疲累，他說：「連續三日開工超過二十小時，破咗劉嘉玲紀錄。（因為遷就甄子丹檔期？）唔係，子丹拍完。因為場場都有我份，而且要趕賀歲檔所以咁趕。」
近排忙籌備婚禮及參賽者之一的丁子高，自爆老婆楊千嬅雖無炮製愛心早餐，但有Morning Kiss打氣，之後到場的千嬅聞言色變，大叫：「佢發緊夢呀？」非常搞笑。