Sunday Girl：陳嘉容搓圓撳扁練耐性

扮靚購物是女人的天職，名模陳嘉容（Eunis）亦不例外，但近來整陶瓷成為她假日的最佳消遣：「唔好以為女人淨係識行街扮靚，近半年就去藝術中心學整陶瓷，每星期一堂，其實讀書時有玩過，一直都鍾意，自己鍾意無聊嘢！」她至叻整碗及杯，完成一件作品需要經過搓形、反覆風乾、上色及入爐烤乾的步驟，訓練出耐心、專心與創意：「最難係上色同畫花，落筆就冇得改，冇塗改液，靠創意去畫。整個形都難，但整扁咗老師可以幫我執番。」
陳嘉容假日至愛上陶瓷班，訓練出耐性、專心及創意。
陳嘉容假日至愛上陶瓷班，訓練出耐性、專心及創意。

在眾多的製成品中，Eunis最滿意無心插柳的得意之作：「每個都係心血結晶，有次整個碗時有個位整歪咗，咁我索性整扁晒每一邊，整咗朵花，老師又好畀面，唔話核突，但就尷尬咁話我好有創意！」

陳嘉容雖然只上了半年的陶瓷班，但已整得有板有眼。
  • 陳嘉容雖然只上了半年的陶瓷班，但已整得有板有眼。