祥雲密斟合理招呼
「帶案復職」的無綫總經理陳志雲，前晚在《萬千星輝賀台慶》尾聲與一眾行政人員和高層陪同六叔影大合照，「涉貪案」證人黎耀祥剛巧在台下，陳總紆尊降貴落台主動上前與祥仔握手擁抱及談了一會。事後祥仔說：「合理場合打個招呼啫，我問佢有冇睇《義海豪情》，佢話有，仲話我做得好。（陳生復工你獲視帝勝算大增？）陳生都鍾意陳豪，好多政治因素嘅，要睇埋結局反應。」笑言去年已拿過視帝，與陳豪是兄弟，一於畀佢囉！對一眾愛將沒有出席台慶，陳總只笑而不答。
邵逸夫離開時由方逸華護航，唯獨陳法拉成功走近與阿sir合照。前晚的《超級無敵美容院》環節中，曾志偉化身樂易玲並揶揄她生日收手袋及偏寵林峯，事後樂易玲表示唔嬲：「點解要嬲？我仲叫志偉扮靚啲同剃咁啲毛，唔好烏嘴狗咁出嚟，最緊要扮得靚，假假哋我都係個靚女。」
此外，有讀者投訴謝雪心今年台慶未有獲任何提名是不公平，昨日她在電話中表示，非常感激觀眾支持，更一度講至激動落淚。