莫文蔚拒生B 賴阿媽唔肯湊
昨日莫文蔚、范姜及名模琦琦等一同出席Gucci全新童裝系列兒童派對活動，不少名人明星均帶兒女出席。問Karen有否生B衝動？她說：「身邊朋友都有BB，玩人哋嗰啲都得。生BB係一世，唔係話得意好玩就生。（屋企人唔恨？）佢哋驚我有細路添，因為我會畀媽咪湊，仲慘！佢講到明唔會幫我湊，佢唔肯湊我就唔會生。」
Karen又稱現時感情生活一片空白，因為工作相當繁忙，連睡覺時間都不足夠，但慶幸家人沒有催婚。她笑說：「佢哋淨係催我食多啲同瞓多啲，媽咪見親我都話我瘦。（佢哋有冇介紹男仔畀你識？）佢哋冇咁『娘』！其實咁大個人識男仔都要人介紹，就係自己嘅問題。」
