基仔聖誕結婚淨袋禮金
古巨基昨日現身商場聖誕裝飾啟幕儀式，主持提到基仔好友楊千嬅將於平安夜舉行Wedding party，即打蛇隨棍上問他何時結婚？基仔語塞說：「冇諗過聖誕都可以講到去結婚，我仲細未諗。」基仔忽發奇想表示聖誕結婚夠浪漫，笑言若歌手朋友忙搵銀更可淨袋禮金，連酒席亦慳番。
此外，基仔透露腰部舊患已差不多痊愈，仍keep住有睇脊醫。至於港台重設「傳媒大獎」及有傳將頒獎禮日子改至1月7日舉行，基仔就言：「自己呢排除咗忙演藝工作，仲有設計同舖頭，冇特別去了解，等公司安排啦，今年頒獎禮特別多同往年唔同嘅新聞，冇乜意見。」而基仔日前與剛復職的陳志雲晚飯，基仔表示只屬朋友聚餐。
