諸葛梓岐助男友展愛心
模特兒諸葛梓岐（Marie）昨日隨保良局慈善晚會籌委會成員，前往大角咀的老人中心探訪，其男友薛嘉麟正是籌委會的名譽顧問，不過昨日薛嘉麟就未有現身。
Marie是大會的關愛大使，今次是首度進行探訪，她說：「我好鍾意老人家，我覺得佢哋好似小朋友咁，都係要人氹。（因為男友，所以做關愛大使？）係部分原因，善事都係應該要做，我好有愛心o架！」她稱曾見過男友的祖父輩，與他們相處融洽。
另外，提到有雜誌指有名模因誤信金融才俊致投資觸礁，Marie坦承亦有投資股票，問到其眼光如何？她笑言：「依家股巿好旺，買邊隻都唔會錯。不過就唔好買仙股，買實力股，例如銀行股、石油股。（男友對股票熟唔熟？）佢呢方面好叻，但係我唔會問佢，因為呢啲係考自己眼光，每個人心水都唔同。如果佢叫咗我買，但唔中，唔通我賴佢咩！」