陳靜炙手可熱自己打自己
「百果園咪神」陳靜（DaDa）人氣爆燈，兩部港產賀歲片齊齊向她招手，DaDa揚言要加速儲錢，買貴樓保值。而「出山」拍賀歲片的張栢芝已經開工，開開心心搵銀。
DaDa積極發功，成為搶手o靚模，近期她頻頻接戲搵真銀，繼和呂慧儀、莊思敏拍《潮性辦公室》，又與鄧麗欣、鍾鎮濤拍《宅男總動員》外，今年兩部港產賀歲片《最強囍事》及《我愛香港》亦瞄準DaDa，不約而同向她招手，對此DaDa說：「我有聽公司講過，等公司安排啦，好開心佢哋搵我，就算客串吓都冇所謂，識多啲人攞多啲經驗，我都係呢個幾月先開始接觸電影，好有興趣，想學多啲嘢。」
財多身子弱
密密接job，DaDa是否想極速搵夠上車置業？她說：「都儲夠可以買啲平平哋嘅樓，不過依家想再儲多啲，買間貴貴哋嘅靚樓保值。」她坦言除了賺錢之外，目前最重要是做多點運動保持健康：「呢排多咗嘢做先發覺自己身體咁差，又血壓低喎，真係要做多啲運動先得。」
熊黛林搞笑
DaDa即將加入的《最強囍事》已展開拍攝，黃百鳴於微博上載張栢芝在片場的照片，大讚栢芝笑得開心。至於杜汶澤亦上載熊黛林的照片，還說：「很多人知道熊黛林是個大美人，在《最強囍事》和她合作，我發現她原來很有喜劇感。」
文：影視組