查理辛上周「醉搗」酒店後，連日來成為新聞人物，就連多年前同樣因酒毒問題而惹上官非的羅拔唐尼，日前上《大衞牙擦騷》節目時亦被大衞追問有無以「過來人」身份給查理意見。
唐尼自爆雖然他與查理是中學同學，但就強調二人沒有來往，他笑說：「佢係成年人，唔需要我畀意見，如果要畀嘅話我只可以話畀佢聽唔好畀人拉！」
唐尼以開玩笑方式來寸查理，但好友史泰龍就認真得多，據知他打算邀請查理在《轟天猛將2》演追捕布斯韋利士的中央情報局人員，藉以打救好友事業。