羅仲謙氹女下廚兼送袋
傅穎緋聞男友羅仲謙昨日與模特兒姚予晴、戴小奕等，為Coach全新手袋發布會行騷，他稱會送手袋氹女友歡心，更試過豪花五位數，連買三個手袋分別送給媽咪、家姐及女友，即場成為名店VIP，不過，他就自認大男人，幫女友拎手袋要看情況而定，問到還有甚麼招數氹女友時？他說：「除咗買小禮物，煮飯都可以。（有冇煮過飯畀傅穎食？）有，當時有一大班人。」
另外，早前有指羅仲謙與傅穎同居，他連忙否認：「唔係同居，我住大埔，佢住柴灣。（影到你幫佢拎好多嘢？）唔係練咗大隻做乜，呢啲係男士風度。」羅仲謙稱二人是知己，並享受現時關係，又謂想專注工作，要有事業先有家庭及伴侶。