藍燕騎呢搶雷凱欣峰頭
女星藍燕與雷凱欣昨出席記者會時，藍燕「保上失下」，露出裙下春光，就連低胸裝出席的雷凱欣亦大輸「峰」頭！兩位女角在記招上未有交流，全程各有各玩。不過二人在看預告片時亦交足戲，睇到「嘩嘩聲」，對宣傳新片可謂不遺餘力！
剛於前日煞科的《3D肉蒲團之極樂寶鑑》，昨舉行預告片記招，藍燕搔首弄姿擺甫士影相，而低胸打扮的雷凱欣則比較內斂，風頭即被搶的她只好頭耷耷玩電話自娛。成功搶鏡的藍燕表示昨日乃其第一次看到足本版的預告片，她說：「好緊張！我心臟不太好，抗壓力不夠，可是我覺得3D版有彈出來的效果，很震撼，我很開心！」
拒提唐季禮
陪在一旁的監製蕭定一更大讚藍燕專業：「有一場拍水底嘅性愛場面，拍完之後佢虛脫咗兩日，佢真係仲辛苦過拍動作片o架！」而藍燕又表示此片可能是其唯一一部性愛片：「基本上應該是我的only one，但如果有好的劇本及班底，我也會考慮。」她又表示父母將會來港看首映，問她會否邀請「緋聞男友」唐季禮觀賞？她則決絕表示：「之前要講的已經講了，不想再講他。」
冇清場拍攝
雷凱欣就表示看到預告片覺得感動：「見到終於有成果，真係好開心，而且預告片已經有種隆重嘅氣氛！」她又表示最「壯觀」的一場戲是「六王一后」：「其實仲有啲臨時演員，加埋都唔知有幾多人，仲要冇清場！不過都唔會尷尬嘅，工作人員已經當咗我係男仔咁！」她又說此片令她演技變得成熟：「我睇番初初拍嗰幾場，都覺得接受唔到，到咗呢個星期就重拍番嗰幾場戲囉！（驚唔驚畀人用有色眼鏡睇你？）我希望佢哋會佩服我，因為我只係將呢樣嘢擺咗喺工作上，我係勇敢，咁佢哋先學到嘢，細路仔都可以學到。」她更表示很多男性友人均向她索票捧場，令她開心不已！
文：影視組