林海峰最怕Eason吹唔停
林海峰（Jan）、葛民輝和傅穎（Theresa）昨日現身校園主持麥當勞愛心童樂日，阿Jan和阿葛曾參與兒女校內活動，阿葛爆王家衛校園親子愛影相，阿Jan則最驚遇見「吹神」陳奕迅講唔停。
阿Jan、阿葛和傅穎昨日除現場為慈善「熊Bear Bear」系列進行揭幕儀式外，並與校內一班小學生主持「兒童愛心馬拉松」起跑儀式，三人更即興與小學生一齊跑氣氛熱鬧。講到校園親子活動，身為父親的兩人可曾參與？阿葛笑言：「我以前去，但真係太多人，個個家長好似唔使撈咁o架！嗰次見到王家衛影咗好耐，問佢係咪影個仔，佢話係影其他嘢喎。」
由教育噏到宇宙
至於阿Jan表示都有去過親子活動，講到兩個女兒和陳奕迅（Eason）的女兒陳康堤都是同學，阿Jan和Eason親子活動有伴？阿Jan笑言：「見到Eason要行開，佢好長氣，由教育講到音樂，音樂講到戰爭，戰爭跳到社會，社會講到腳趾，腳趾噏到宇宙，宇宙返到演唱會。（怕見到佢？）唔係，只係如果知佢喺度，會預多一日半或者兩日時間陪佢傾啫。」
傅穎小時跑最尾
至於傅穎表示見到小學生在跑步，令她回憶小學時，她雖然長得高，但因太胖身形太鈍，每次都跑包尾，亦試過遭同學整蠱，關在廁所內被淋水。當時怕返學？Theresa謂：「咁又唔記得，反而記得係鍾意儲錢買美少女戰士筆盒。」
文：音樂組