張繼聰（Louis）昨日到電台受訪，宣傳新碟及下月三日舉行的音樂會。Louis透露新碟收錄近年成長與自己一些新看法，並承認曾受負面新聞影響：「但會更加清楚自己做緊咩！當個人去到極點嘅時候，好多嘢更易放低。感謝發生過，（新聞令我）『強身健體』同令家人融洽。」
其首個自資的舞台劇將於今日公演，Louis說已感不捨得：「排足五十日，心情好似生個仔咁，太太（謝安琪）喺台灣做緊宣傳，嚟緊會返嚟睇，門票都賣得八、九成，都賺到個飯盒。」提到零身價加盟金牌大風，他稱：「我真係冇千萬加盟，（怕唔怕又畀人話窮？）我呢啲起身吸空氣就夠。」
