陳嘉桓sell清純杜宇航胸贏

憑《葉問前傳》打出人氣的杜宇航和陳嘉桓，早前被金至尊珠寶集團睇中邀拍廣告，廣告商並找來大師級設計師何國鉦（Dorian）為二人打造新形象。亞杜除招牌武打動作及官仔骨骨的西裝造型外，更裸露上半身大騷43吋胸肌，並直言為騷最靚線條，事前要做足準備工夫，他說：「雖然平時有練武功，但影之前都要操一操，即場做咗一百下掌上壓谷一谷，拍出嚟效果都幾滿意。」而Rose則以清純少女造型亮相，Rose笑言不擔心被師兄搶鏡，她說：「師兄咁fit，梗係要騷吓，但男同女始終唔同，唔怕佢搶風頭。」

有能力畀家用

二人對今次酬勞非常滿意，尤其是小師妹Rose透露今次收入比初入行時拍廣告增多三倍，她笑說：「以前拍過護膚廣告，但《葉》出街後多人識咗，連拍廣告收入都多咗，依家可以畀家用屋企人。」11月8日便滿18歲的Rose，表示會買禮物獎勵自己，她說：「聽人講買金可以保值，但自己年紀輕比較少戴金飾，所以想直接買條金條，買定收埋落床下底都得。」

杜宇航和Rose拍住上搵真銀，默契十足。

杜宇航半裸上陣晒胸肌。

望做全能藝人

由於生日當天要在橫店開工，預算要稍後才能回港補祝生日，她說：「依家工作排到密密麻麻，但幾忙都開心，公司仲安排我學catwalk、唱歌同跳舞，生日願望係做全能藝人，希望有機會做埋歌手出碟。」

文：專案組