劉青雲夫婦、吳鎮宇和陳法蓉前晚齊來捧子華場，鎮宇談到兒子最近被雜誌追訪時說：「報道中嘅言辭都OK，但我唔想個仔曝光太多，因為啲親戚朋友會問之餘，佢將來亦要開始讀書，（揀咩學校？）我會報官立學校，亦唔會安排司機接送，（點解唔考慮國際學校？）唔會諗，除非佢適應唔到。」
談起兒子，鎮宇大呻兩歲的囝囝很少說話，或因屋企人說的語言太雜有關，記者問鎮宇何解不多些跟囝囝說話？他說：「我唔同佢講嘢o架，（咁去搵你老友啲小朋友同佢傾囉！）秋生、達明個啲大晒，張家輝又太遠，其實使乜咁多朋友，我都無朋友啦，（追多個？）都有可能嘅。」
