祖兒籲好姊妹睇個唱減壓

昨晚英皇歌手容祖兒、鍾舒漫（Sherman）、泳兒出席活動，祖兒聞言即愕然說：「吓！（知唔知阿Sa離咗婚未？）梗係唔知。（好姊妹都唔知？）有啲嘢每個人留有空間，咁私人事冇需要畀意見，我又咁忙，呢幾日攰到暈，起床就衝鋒陷陣，冇睇報道。（身份尷尬？）唔清楚程序，佢哋大人識處理。（會唔會問阿Sa？）好少八卦呢啲事，佢唔講代表唔想講，唔會多問。佢呢刻心情咁多嘢煩，最好嚟睇我演唱會舒筋活絡，疲勞盡消。」

Sherman則力撐「陳蔡戀」：「咁峰迴路轉，真係唔知，呢啲係好私人問題，最緊要阿Sa同William開心，佢兩個羨煞旁人，冇乜大不了。（仲係鄭太身份拍拖尷尬？）冇，佢係阿Sa，唔係鄭太。」泳兒亦指「陳蔡戀」好sweet，只要阿Sa和William開心，炒作新聞不會影響他們。

泳兒勁歌熱舞獲不少掌聲。

鍾舒漫力撐「陳蔡戀」最緊要開心。