Sunday Girl：廚藝一級棒 羽翹整餅高手

YouTube美容女王羽翹除喜歡分享與網友扮靚心得，又要分身作曲，一有假期，她喜歡約好朋友玩煮飯仔：「我鍾意西餐多啲，整蛋糕都係我強項嚟o架！」羽翹拿手整芝士蛋糕，遇到好友生日更會親手做生日蛋糕，朋友食過都大讚：「芝士蛋糕唔需要焗，所以成分一定要好準確，如果錯咗唔單止唔好食，仲會搞到個賣相唔靚。」
羽翹除了扮靚叻，原來還入得廚房。
羽翹除了扮靚叻，原來還入得廚房。

羽翹笑言是前男友激發她在烹飪下苦功，因為對方的媽媽是廚藝高手，令前男友經常投訴她的廚藝差，羽翹說：「當時都好唔開心架，於是就『的』起心肝學煮嘢食，依家同班舊同學長期都有聚會，成班女仔圍埋講Girl's Talk都幾好呀！」

羽翹最拿手整芝士蛋糕。
  • 羽翹最拿手整芝士蛋糕。