瘦星星：連詩雅日日計數避免超「卡」
方大同師妹連詩雅（Shiga）身形高挑，骨肉勻稱，Shiga早在15歲時已兼職模特兒工作，她對自己身形也滿意，她說：「我的體重維持在107磅。」每星期勤練跑步的她，並非為修身減肥，而是為唱歌練氣。
談及修身之道的Shiga有自己一套方法，本身勁鍾意吃蛋糕、曲奇餅的她說：「基本上每日我都會計算住卡路里，盡量控制唔食多過2000個卡路里，尤其是食肥咗，我會即刻戒食澱粉質，咁樣對我比較快減到。」
Shiga表示每逢拍封套、拍照或MV，她都會定下一套短期飲食習慣，她說：「每晚六時後就唔再進食，其餘三餐就可以正常，但都係以蔬菜、魚類為主，加少少肉，但絕對唔食澱粉質，如果肚餓可以食啲生果，會有飽肚感覺。」Shiga表示消夜最易令人長肉，所以一定要戒，她笑說：「我會盡量早瞓，瞓着就唔會受消夜引誘。」