Baby特務粉絲竊聽栢芝
向來封張栢芝為女神的Angelababy昨日出席活動時，透露終於達成夢想與對方演對手戲，但她卻不敢與栢芝傾偈及取電話，十足小粉絲。
模特兒Angelababy、前港姐張舒雅、歌手鄭融及衞蘭昨日出席日本品牌DURAS專門店開幕，Baby身穿連身喱士短褲，被笑指是睡衣誘惑，她解釋：「唔係，呢個係秋冬最Hit潮流。（十度都咁着？）以前貪靚幾凍都頂得順，依家健康最重要。」她又興奮透露昨早客串電影《最強囍事》，與其女神兼偶像張栢芝合作：「細個睇佢好靚好完美，估唔到同佢可以一齊喺大銀幕出現，真係夢想成真。」儼如小粉絲的Baby坦言不敢問栢芝取電話及傾談，只有偷聽對方跟其他人說話，並搞笑地說：「如果我同佢講我鍾意佢，我怕嚇親佢，佢會驚咗我。」Baby又指覺得栢芝十分幸福，想倣效對方成家立室。
張舒雅有望返無綫
同場衞蘭表示現忙於為唱片宣傳，並否認有傳黎明不准旗下藝人Janice Man拍拖：「公司唔理私人嘢，總之工作還工作，拍拖還拍拖，我哋係人，過普通人生活。」
至於張舒雅竟在模特兒公司Stlye的工作人員陪同下到場，問到是否與該公司合作，她含糊地說：「未真正簽，簽約嘅事唔會係短期內。（有傳你同無綫續約？）唔方便講，之前港姐約完咗，要過冷河。我上個月有返無綫傾合作嘅事，佢哋話遲啲有機會。（見樂易玲？）係，佢好好人，有提點我。」
文：名人組