G.E.M.「飾」搵錢靠父母投資
鄧紫棋（G.E.M.）、周子揚及化妝師Rick Chin等昨日出席新城舉行的活動，鼓勵青少年自僱創業。G.E.M.自言小時候對飲食業有興趣，可惜長大後竟變成「地獄廚神」。她說：「細個學煮飯仔有喺電腦打菜單問媽咪食咩，依家想出啲首飾、銀包咁。其實公司都有幫我出，但唔係自己生意，依家都係交畀父母幫我投資，自己半年出糧一次，留五萬蚊喺戶口自己用囉。（上次出糧有冇六位數？）唔知呀，唔好意思講。」
另外，王菲前晚於北京開騷，G.E.M.表示會上網重溫對方演出。將於三月在紅館開騷的她亦希望欣賞阿菲香港站個唱，趁機偷師。