由湯告魯斯主演的《職業特工隊4》現正拍攝得如火如荼，第四度參演的他前日率導演及片中男星Jeremy和女主角出席在拍攝地杜拜舉行的記者會，卻傳出Jeremy暗戀靚佬湯緋聞！
靚佬湯前日率《職》片兩位新成員：《拆彈雄心》男星Jeremy Renner及新一代「湯女郎」的《天生不是寶貝》「索miss」Paula Patton，與導演Brad Bird等出席新片記者會，至於在新一集中再演《職》片的Maggie Q卻告缺席。會上，身兼監製及男主角的靚佬湯公布新一集的英文片名將為《Mission:Impossible Ghost Protocol》，他解釋：「我希望系列電影唔好再喺片名尾加上集數，我從未演過續集片，亦從來唔會諗《職》片上兩集係續集。派拉蒙電影公司亦諗到一個好名！」
監製透露影片除會在莫斯科、溫哥華及布拉格取景外，重頭戲將於記者會舉行地點哈利法塔拍攝，出名搏殺拒用替身的靚佬湯更謂將花很多時間在此全球最高的大廈外拍攝，詳情暫不便透露。席間靚佬湯否認今次減片酬接戲，有記者問他目前是否仍是票房保證？他回答：「唔使擔心。（會否接拍《壯志凌雲2》？）距離開拍的日子還很遠。」把刁鑽問題輕輕帶過。
另方面，最近美國有小報指盛傳是男同志的Jeremy被爆睇中多年前曾一度傳是同志的靚佬湯，更指Jeremy曾向朋友滔滔不絕大讚靚佬湯既靚仔又吸引，他小時更曾立志長大後成就要像靚佬湯一般。據知，Jeremy與靚佬湯最近拍攝《職》片時表現老友，經常攬頭攬頸，未知靚佬湯會否「重拾故技」？
文：外娛組