徐子珊見半裸土著唔敢學

徐子珊、謝天華、郭秀雲、香港先生翟威廉、落選港姐彭慧中等昨日出席無綫台慶特備節目《森海尋寶》記者會。子珊表示早前與謝天華隨攝製隊到巴布亞新畿內亞拍攝節目，抵埗後見到當地土著男女都赤裸上身，男士身材健碩，她笑說：「簡直是夢寐以求嘅地方，不過，我怕凍就唔敢唔着衫。」
徐子珊與謝天華探訪土著。
徐子珊與謝天華探訪土著。

去年子珊到肯雅拍攝台慶特備節目，今年再獲派赴巴布亞新畿內亞，她說：「可能公司知我捱得，所以再搵我做主持，起初聽到個名都唔知喺邊度，要查地圖先知，出發前買定好多防蚊用品，但去到第二日就開始皮膚敏感，可能係當地啲水唔乾淨，好彩唔算好嚴重，只係面有點紅，靠化妝都可以遮到。」喜歡吃朱古力的子珊，今次就首次嘗到新鮮的可可豆，但原來新鮮的可可豆味道既苦澀又甘甜。

徐子珊讚男土著身材健碩。
  • 徐子珊讚男土著身材健碩。