嘉芙蓮大方送吻搶鏡

曉格蘭特、嘉芙蓮仙蒂鍾絲、基斯頓史利達、張曼玉、郭富城、蔣怡、曾志偉、任達華、王敏德、黎瑞恩、楊采妮、梁詠琪等昨晚於海南島出席「觀瀾湖－聯合國兒童基金會慈善晚宴」，並盛裝行紅地氈。身為中國大使的張曼玉，任紅地氈壓軸嘉賓，身穿低胸湖水藍晚裝，型爆登場，與身穿金色低胸大露背的嘉芙蓮鬥搶鏡！而黎瑞恩一襲紅色晚裝裙尾有金邊再配披肩，出來效果有點古怪。

唔擔心男友呷醋

曉格蘭特日前公開表示要跟蔣怡談戀愛，對此，蔣怡笑言：「我有睇報道，我都鍾意睇佢啲浪漫喜劇，佢嘅角色多數係花花公子，女仔都鍾意，又識放電。」

至於曉格蘭特有冇問她攞email？蔣怡即拿任達華早前問女高爾夫球好手交換email的事來開玩笑說：「我唔係任達華，唔會咁隨便畀email，佢都冇問我攞！我今次嚟都有同佢做咗個訪問，好開心，（擔唔擔心男友呷醋？）唔驚。」

晚宴上，曉格蘭特與嘉芙蓮雖沒接受傳媒訪問，但都很受歡迎，一舉一動都是焦點，嘉芙蓮接受男司儀訪問時，男司儀笑着表示希望嘉芙蓮錫一啖，女方真的大方獻吻，令全場哄動，曉格蘭特亦有跟女司儀來個西方碰面打招呼，恨死不少在場女fans。嘉芙蓮與郭富城一起接受司儀訪問，司儀問兩人會否合作拍戲，兩人互望一下，城城便答：「maybe！」嘉芙蓮則在旁微笑。

曉格蘭特於晚宴上大受歡迎，不少女fans給他電暈。

蔣怡讚曉格蘭特拍戲識放電。

GiGi報喜靠微博

梁詠琪與影星Matthew McConaughey伉儷行紅地氈，Matthew McConaughey太太因化妝整頭以致遲到，Matthew McConaughey即向梁詠琪say sorry，令梁詠琪大讚對方客氣冇架子。對於大S閃電訂婚，梁詠琪說：「是件開心事，亦畀好多單身女仔希望，將來若結婚，我都會透過微博公開，方便快捷。」

穿Dior的楊采妮與影星基斯頓史利達行紅地氈。

穿上Deep V透視晚裝的梁詠琪，明艷照人。