三哥：搞到人爆缸要嚴懲
苗僑偉（三哥）、黃日華和宣萱昨日與一眾演員出席《刑警》宣傳活動，對於敖嘉年被冼灝英打致眉骨爆裂，三哥說與冼灝英認識十幾廿年，平時並不覺得他如此火爆：「如果搞到人受傷縫針，咁真係要懲罰吓，今次係飲酒累事，我會勸啲飲完酒會斷片嘅朋友戒酒，曾志偉最容易闖禍，佢去到今時今日真係好彩，可能做得善事多！」
黃日華則勸喻飲酒要有節制：「飲完就返屋企瞓，唔好將平時內心唔開心嘅嘢一次過爆出嚟，未諗清楚就出手打人好唔啱，有咩事平心靜氣坐低慢慢傾。」
他倆對《刑》劇收視有信心，三哥更踢爆黃日華喜歡拍喜劇：「佢個人戇直又木獨，拍喜劇應該好好睇。」黃日華則說：「如果再拍劇除非係好好玩、唔太辛苦又要時間許可，最好係人工加番啲！」