Rosemary涉毒案明年二月裁判

Rosemary早前於美國涉毒案及撞車後不顧而去，獲准保釋後即時回港，之後又到法國及印度散心。Rosemary被控「出售或交換受管制藥品」案件於美國時間本月26日開審，她並沒有出庭，案件將於明年2月9日再開審，Rosemary是否有罪，屆時會有判決，其代表律師表示Rosemary不需要出庭。另外，她撞車不顧而去案件則定於12月8日開審。Rosemary現身在北京，今日將會為本地設計師何國鉦的時裝騷擔任模特兒。

記者致電Rosemary恩師鄧達智，他表示每日都有與Rosemary 以email聯絡，他說：「佢28日做騷，我哋約咗29日。（佢有冇為案件擔心？）我冇乜追問佢案件嘅事，費事增添佢麻煩。」

Rosemary於昨晚約九時抵達北京，即與何國鉦聯絡，記者致電何國鉦，問到她的案件，何國鉦說：「Rosemary話自己都唔係好清楚，因為今日成日坐飛機，冇同律師聯絡過，佢話就算係要再開審，佢下次都唔使上庭。（Rosemary心情點？）佢乜都唔諗，只係希望專心做好呢場騷，覺得場騷對佢嚟講好重要，希望大家關注她的表現，佢心情都幾輕鬆。」