周慧敏寫張茆賀入行25年
明年是玉女掌門人周慧敏（Vivian）入行廿五周年，笑言不介意被指為甘草外，並有意執筆寫自傳。至於自傳會否收錄一度令她情變的張茆事件，Vivian豁達的說任何人生經驗都令她勇敢向前，如果凡事避而不談，會令自傳失去可讀性。
Vivian昨日為其擔任Image Girl的法國戶外休閒服品牌AIGLE，出席2010秋冬系列活動，並即興擔任模特兒，同場更有名模Amanda S.、姚予晴及Cara G.。騷後Vivian笑言本來不是行騷，但到場見到有天橋，故即興行騷，感覺得意。
在家msn傳情
對於有黑客入侵張衞健的微博，Vivian說初知到對方在微博發表患病的訊息感到擔心，「但我冇衝動去發短訊問佢，因為做呢行凡事要查個水落石出，就算證實都未必係真，之後知道係誤會都係好事。所以暫時我唔開微博都係咁解，曾有人冒充我去解答問題，雖然冇寫令我難受嘅嘢，係冇惡意、係出於好意同歌迷分享我嘅嘢，但冒充真係有啲over咗，要麻煩fans幫我澄清。」自言冇blog冇微博的Vivian，甜蜜的說在家也會以msn跟丈夫倪震傳情。
分享心底話
另外，Vivian透露明年是入行廿五周年，暫未定會否開個唱來紀念，但卻有意寫自傳。至於會否介意入行太久被指是甘草，Vivian說：「我唔介意有咩稱號，入行廿五年咩都受得起。」早年Vivian的丈夫和城大學生張茆在夜店有親暱舉動，問到自傳會否重提到此事？她說：「好多嘢係成長經驗，每個經驗都係正面力量，令我勇敢向前行。如果好多嘢都唔寫，就唔會好睇，我想認真啲分享心底話。」
文：名人組