G.E.M.諸事不順壓力大

鄧紫棋（G.E.M.）昨日到電台宣傳月底推出的新碟《My Secret》，她表示新碟有三首廣東歌及七首國語歌，全部由自己填詞，其中六首亦是親自作曲。她說：「其實好感動，做碟做九個月，期間面對好大壓力、好混亂，好似諸事不順咁，因為我由細到大做乜都好順利，今次遇到工作上樽頸，先至學識有更大動力去做好隻碟。」

問到緋聞男友林宥嘉有否聽過其新作？G.E.M.尷尬笑謂：「冇啦，公司唔畀我咁做，未製成好流出去會好大件事。（送碟？）等佢自己買。」對於林宥嘉處男下海拍電影，G.E.M.表示不知道，因為甚少傾談公事。