男子組合Square成員Brian（李柏煥）昨日單拖行西裝騷，他說：「我鍾意以個人身份做嘢，可以各自各接工作。我同老闆講過，想拍電影做奸角，人哋話我個樣奸奸地，如果以組合形式出現，就未必咁方便。我係model出身，我視陳豪為偶像，佢都係model出身，演電視非常成功。（怕唔怕傳拆夥？）唔會，唱歌嘅時候，我哋又會四個人出現。」
