衞蘭爆男友未過試用期

Janice前晚演唱會尾場，獲不少圈中好友鍾欣桐、鍾舒漫、劉浩龍、王菀之、蘇永康與女友、Janice Man及老闆娘樂基兒等支持。妹妹衞詩（Jill）更走出陰霾前來撐場，令Janice在台上感動說：「今晚好開心，我個妹衞詩今晚喺度呀！We love you Jill！」之後她唱新歌《愛在天地動搖時》給妹妹聽，可惜Jill未有上台獻唱，令觀眾失望。專程從英國返港擔任嘉賓的JW表示：「唱完首歌就即刻飛去機場返去英國讀書啦。」

衞詩不急復出

慶功宴上，Janice母親、Jill、樂基兒及Janice Man未有出席。問到Janice為何不請Jill上台演唱？Janice坦言未是適當時候，但很希望將來有機會與妹妹同台演出。

問Janice有否代妹妹向老闆黎明求情？她稱相信公司有計劃，並指妹妹的事交在神手上，不會勉強追求。她又透露妹妹生活開心，不急於復出演唱。

Janice男友Roger首晚高調捧場，但尾場不見影蹤。Janice表示：「佢今晚冇嚟。（睇完演唱有乜意見？）佢唔識聽廣東歌，但佢話只聽我把聲都OK。」問到男友過了拍拖「試用期」未？她一臉疑惑說：「我唔知，咩叫試用期？（即係過咗三個月未？）差唔多啦。」

黎明與衞蘭切蛋糕慶祝演唱會圓滿結束。	衞詩與母親前來捧場，令衞蘭非常感動。	衞蘭非常感激黎明（右二起）及雷頌德一直以來提攜。

角度問題變肥

她笑言黎明沒有不准拍拖：「公司唔會反對，一早都講話唔介意我拍拖，唔會理我私人事。」

現場所見，Janice明顯比台上纖瘦，她指可能因站在升降台上，角度令視覺上有出入。對於被形容似「脹爆午餐肉」，Janice笑言：「以前聽過一啲仲衰嘅說話都有。（嬲唔嬲？）啲人點寫點講唔介意，自從有信仰後，冇嘢再影響到我心情或者困擾到我。」

文：音樂組