鄧達智兩肋插刀：乜都願意

Rosemary恩師鄧達智昨日出席香港珠寶小姐競選活動，表示近期甚少與Rosemary聯絡，但指稍後將到北京為時裝周做評判，屆時Rosemary亦會行騷，他說：「我覺得佢選擇在大陸作為頭炮復出係好事，雖然點都會畀傳媒問起件事，但冇咁大壓力。」被問到幾時搵Rosemary行騷，鄧達智表示今次珠寶小姐競選的決賽在11月25及26日舉行，之前已有意找對方作評判，而時裝騷方面，他說：「作為佢朋友，只要可以令佢恢復信心，我乜都願意安排，只要佢預備好，隨時歡迎佢行騷。」
鄧達智對Rosemary不離不棄。
鄧達智對Rosemary不離不棄。

至於Rosemary好友貝安琪知道對方復出工作，表示十分開心：「佢普通話咁掂，大陸發展啱晒佢。（你有冇同佢聯絡？）有，我會打畀佢恭喜佢，我哋一直有聯絡，但冇以前咁多就真。」

貝安琪會致電好友Rosemary恭喜她復工。
  • 貝安琪會致電好友Rosemary恭喜她復工。