Melanie Z.孖妹晒胸慘見紅
憑Canon廣告成功上位的警鐘胸女模Jessica C.，宣布暫別香港，另一警鐘胸即密謀上位！擁有33B小警鐘的Canon第三代廣告女郎Melanie Z.，早前偕親妹Katie Z.到沙灘晒身材，企圖「響孖鐘」挑戰Jessica C.，惜出師不利，未紅先見血。
論身材，擁有B Cup小警鐘的Melanie Z.，比起C Cup警鐘胸的Jessica C.，始終較遜一籌，不過在港生活多年的Melanie，能操流利廣東話，對於在港發展則較着數。而她的妹妹Katie擁有33B身材，姊妹雙劍合璧，趁Jessica C.暫別香港即殺入模界，實行挑起戰火。
姊妹落水互潑
早前Melanie偕妹到深水灣，偷得浮生曬日光浴，姊妹齊齊穿上比堅尼，勁晒小警鐘，兩人甫到泳灘，即惹來沙灘阿叔狂目及，兩姊妹卻自顧地落水互潑，玩得興起之際，突然聽到Melanie慘叫，原來她腳底疑踏中硬物受傷，原本狂目及的阿叔，卻不為所動，未有出手相助，只有Katie撲前救姊，扶着Melanie上岸。兩人細看傷口，發覺沒有大恙，便自行塗上自備的藥膏，掃興而回。
腳板踩中貝殼
Melanie事後被問起被泳灘阿叔狂目及一事，她不以為然，並說：「雖然經已十月，但香港天氣都仲係又濕又熱，所以我哋先去沙灘玩，不過就發生小意外，腳板踏中貝殼，刮損咗，流咗少少血，好彩無乜事，無影響其他工作。」
文：名人組