傅明憲有情有義探前夫
傅明憲前夫葉劍波因詐騙等罪被判入獄七年，昨日她出席活動時一臉擔憂，又認為刑期過高，就連前「姑仔」葉蘊鋒亦十分關心，她還預告會去探望前夫，認真有情有義。
擾攘四年多的海域爆煲事件終於畫上句號，海域集團前主席兼息影女星傅明憲的前夫葉劍波及其妹葉蘊鋒等人，因串謀詐騙及處理犯罪得益等罪名，被分別判入獄七年及六年。
「唔會畀你哋影到」
昨日傅明憲出席香港愛護動物協會的慈善獎券記招時，被問及前夫入獄一事？她表現憂心：「我有留意，知道係上星期五（８日）判刑，嗰朝一早已經好擔心。（覺唔覺得刑期太長？）地院最高係判七年，佢依家係最高刑罰，當然覺得比較重，希望可以判輕啲！（會去探佢？）會，但一定唔會畀你哋影到。」傅明憲又同樣關心前「姑仔」葉蘊鋒：「知佢都判咗六年，其實之前佢喺香港都面對好多嘢，知佢好大壓力，對於判刑都覺得好可惜。」
問及傅明憲現時的感情生活，她有點愕然地說：「唔係問我呢啲嘢呀嘛？感情ＯＫ啦！」
愛犬逝世食百日齋
她又透露近日為逝世的愛犬吃齋：「之前有隻狗死咗，我為佢食咗49日齋，之後又輪到『饅頭』病，後來『饅頭』死咗我又食咗49日齋，一共食咗差唔多一百日，依家都唔係好記得啲肉味喇！」她已為愛犬「饅頭」擇吉火化。
文：名人組