JC含淚收爐離港尋新機

JC昨日以大露背吊帶裙出席其代言的美容纖體中心Pearl De Beaute中環分店開幕活動，為其今年在香港的最後一個工作，明天正式離港往美國洛杉磯進行試鏡工作。

坦言唔捨得

臨別依依，JC自言會很掛念香港：「今次呢個小闊別真係好唔捨得，香港無論食同住都好好，去到洛杉磯係一個新世界，要重新適應。愈近離開嘅日子就會愈sad，我成日同自己講唔可以喊要堅強！」不過期間JC和記者合照留念時，JC卻不禁眼泛淚光，顯得一臉不捨，場面感人！

最後一露

鬼馬調皮

暫不會懷孕

自言是次會跟男友Sergio同行的JC，斷言不會閃電結婚，因自己還未準備好，至於會否意外懷孕？她說：「唔會，暫時唔想有BB，呢啲係將來嘅事。（擔心去試鏡而令自己減少曝光？）都OK，有出去發展機會已經好開心，雖然會擔心，但都想喺外邊發展後畀新鮮感大家。（去荷里活做打女？）我唔識功夫，拍打戲好難，需要好多身體語言，我計劃出年學功夫。」她笑言男友同行是因為對方不捨得扔低自己，直言關係穩定。

文：名人組