諸葛梓岐雙重受壓取消日本行

改名以「MZ」名字進軍日本樂壇的諸葛梓岐（Marie），處女宣傳頭炮計劃受阻！由於中日關係持續緊張，原本一意孤行赴日的Marie，在本月底飛日宣傳首張處女EP《Love Mail》，日本環球唱片更出動銀彈攻勢，訂了一間高級酒店宴會廳舉行記者會造勢。可惜其Neway太子爺男友薛嘉麟及母親因擔心她的人身安全，力阻她赴日，令其宣傳行程有變！

環球有微言

據知，日本環球方面對此甚有微言，目前與Marie仍在拉鋸中，由於她已向男友和母親答允不赴日，但唱片公司金錢上亦蒙受損失，力勸Marie如期赴日，令Marie大感為難。本月初興奮表示會請保鏢護駕的Marie，昨日在電話中顯得心情沉重，她承認取消本月底赴日行程，Marie說：「係屋企人擔心有危險唔想我去，應該會延期到11月先去，（男友唔畀你去？）佢都係為我好，唔想講太多，（自己唔開心？）咁一定有，話晒都係自己一件人生大事，但我好尊重佢哋。」問到環球目前是否仍力勸她現身？她表示目前交予公司安排，至於可有擔心「得罪」環球？她說：「佢哋係有少少唔開心，希望唔好畀佢哋太多麻煩，（有冇影響關係？）咁又冇。」

男友急補鑊

雖然薛嘉麟施壓禁止Marie赴日，其實他是口硬心軟，平日公務繁忙的薛嘉麟為免女友不開心，近日實行「陪買陪食」，問到Marie是否心甜？她說：「佢不嬲都對我好好，依家佢唔喺香港，之前都有解釋番點解唔想我去，我都明白嘅。」

文：專案組