無綫避峰 台慶頒獎禮改期
今年亞姐樣貌及身材成為話題，觀眾正期待佳麗穿上水着爭妍鬥麗。據知亞視擬定亞姐決賽定於十二月初，正好跟無綫台慶頒獎禮對撼，無綫為免與一眾波濤「胸」湧的亞姐正面交「峰」，決定將頒獎禮提前舉行。
《2010亞洲小姐競選》決賽原定十二月初舉行，惟日子正好碰上無綫台慶頒獎禮，兩個重點節目均屬兩台主打之作，無綫在不容有失情況下只好讓路，據知台慶頒獎禮已決定提前在十二月三日舉行，避開一班「胸」湧亞姐。而亞姐的決賽日尚未落實，據知亞視正於十二月四或五日中揀選吉日進行。
廖祉甯過度踴躍
昨日一班亞姐出席宣傳活動，除了(8)寇晨瑜繼續因病缺席，其餘十二位佳麗齊集南灣海景酒店，聆聽胡敏珊及港姐冠軍級人馬翁嘉穗分享生活品味及扮靚心得。一向出位的(13)「Barbie姐」廖祉甯被胡敏珊指發言離題，廖祉甯自辯：「我講嗰個係我原創嘅故事，係我一個粉紅色的夢，我希望故事主角有朝一日成為另一個Hello Kitty，都算係講夢想同目標。咁多人提及我，好感動，原本以為人哋唔鍾意我，我心中熱情，態度亦唔係惡劣，我只想全力做好個比賽。（點解打電話畀周秀娜經理人？）同佢傾偈，內容不便透露。佢係長輩教識咗我好多嘢，但冇喺我身上攞任何好處，令我獲益良多。」
問胡敏珊會否考慮邀廖祉甯做代言人？她說：「佢好踴躍，好多時未聽晒就搶答，如果有最勇敢獎，我會選佢。佢向我自薦做代言人，我要問問我公司班PR意見，我唔獨裁。」翁嘉穗亦指廖祉甯踴躍：「後生女活潑好正常，有問題都係好事，但如果太多發言，不如佢幫我分享埋。」
萬嘉麗飲奶豐胸
前日生日的(5)萬嘉麗以普通話說：「我十八歲了！跟家人吃飯及卡拉OK慶祝。（願望拿冠軍？）先不想太遠，入決賽先！我正增肥，希望泳裝效果更好。其他佳麗身材都很好，我正喝木瓜奶豐胸，希望增至Ｃcup。」
文：影視組